Израелските медиуми јавуваат за можна дисквалификација на Израел од Евровизија под името „Октомвриски дожд“.
Според The Jerusalem Post, песната алудира на нападот на Хамас на 7 октомври, што доведе до барања од Европската радиодифузна унија (ЕБУ) за промена на текстот поради политички пораки.
Израелскиот јавен сервис тврдеше дека имало недоразбирање, но тие подоцна повторно се огласија, потврдувајќи ги разговорите со ЕБУ.
Иако песната се уште не е официјално објавена, Израел Хајом известува дека се вика „Октомвриски дожд“ и се однесува на споменатиот напад на Хамас.
Според извештајот на Ynet, ЕБУ ја сметала песната премногу политичка, кршејќи ги правилата кои забрануваат политички изјави за време на натпреварот.
Портпаролката на јавниот сервис Кан изјави дека се во дијалог со ЕБУ за песната што ќе го претставува Израел на Евровизија.
Извор на Ynet тврди дека е одлучено доколку дојде до дисквалификација поради политичка содржина, Израел да се повлече од натпреварот наместо да го менува текстот или песната.
Министерот за култура и спорт, Мики Зохар, ја критикуваше намерата на ЕБУ, нарекувајќи ја „скандалозна“ и тврди дека песната е израз на чувствата на народот и земјата, а не политичка изјава.
Тој ја повика ЕБУ да ја задржи професионалноста и неутралноста и да не дозволи политиката да влијае на уметноста на Евровизија.