Необичната куќа се наоѓа во Италија, на планината Кристало, над познатата скијачка дестинација Кортина д’Ампецо.
Изградена е пред повеќе од сто години, за време на Првата светска војна, а го добила името по полковник кој загинал во таа војна.
Има ѕидови од тули, наведнат покрив, четири прозорци, маса и столови. Што се однесува до опремата, со децении беше мистерија како градежните материјали и опремата биле донесени на овој непристапен терен во тоа време.
Се верува дека ја изградиле италијански војници, за да имаат засолниште за време на битките против Австро-Унгарија на тешкиот планински терен. Buffa di Perrero се користела за одмор, но и за чување работи.
Се смета дека единствениот можен пристап во времето на изградбата бил преку скала од јаже или опасна патека до карпите.
Денеска во карпата има обезбедена патека, која е означена како „многу тешка“, а оваа модерна обезбедена патека секако не постоела во времето на изградбата.
Откако со децении не беше ништо повеќе од атракција за авантуристи доволно вешти да ѝ пристапат, оваа куќа конечно беше реновирана во 2022 година и денес служи како планинско одморалиште.
Аранжманот беше огромен потфат. Во него учествуваа војници, алпинисти, стручњаци за изолација и столари кои извршуваа тешки работи на висина од речиси 3.000 метри.
Проектот за реновирање беше обележан со тешка пристапност. Материјалот бил носен со хеликоптери, кои превезувале и работници, а преку планината му приоѓале вешти алпинисти.
Работата траеше две недели, а резултатот е уникатно планинско засолниште со неверојатен поглед на магичните италијански Доломити.