Торба со алат изгубена од астронаутите на НАСА Јасмин Могбели и Лорал О’Хара може да се види како лебди во вселената дури и со двоглед.
Астронаутите биле на нивната прва вселенска прошетка надвор од Меѓународната вселенска станица кога нивната торба со алат одлетала.
Могбели и О’Хара ја изгубиле торбата додека ја поправале Меѓународната светска станица (ISS) во вселената на 1 ноември, објави Гардијан.
„За време на поправката е изгубена една торба со алат. Торбата е забележана со помош на надворешни камери, но бидејќи е оценето дека не претставува ризик за станицата, најверојатно ќе остане да „плови“ во вселената и ќе се ротира околу Земјата заедно со станицата“, изјавија од НАСА.
Picture taken #fromspace onboard the @Space_Station by @JAXA_jp astronaut @Astro_Satoshi
EVA #89 lost tool bag ⚒️🛰️
cc @AstroJaws @lunarloral @AstroAnnimal#Expedition70 #ISS pic.twitter.com/LSMXL3aQ44— Riccardo Rossi – IU4APB – @AstronautiCAST co-host (@RikyUnreal) November 7, 2023
Белата блескава кеса веќе ја забележале астрономите од различни делови на Земјата, бидејќи може да се види дури и со двоглед.
Јапонскиот астронаут Сатоши Фурукава ја забележал торбата минатата недела додека летала над планината Фуџи.
Објектот ќе остане во орбитата на Земјата неколку месеци, а потоа ќе изгори по повторното влегување во атмосферата.
Last seen by @Astro_Satoshi while floating over Mount Fuji 🗻 the ‘Orbital Police’ can confirm that the lost EVA gear is being tracked 🫡 https://t.co/wz4MITmAfM pic.twitter.com/eksfu9fPFw
— Dr Meganne Christian (@astro_meganne) November 5, 2023
Ова не е првпат некој предмет да се изгуби во вселената, па дури ни првата изгубена торба со алат.
Во 2008 година, астронаутот Хајденмари Стефаниш Пајп гледала како нејзината чанта исчезнува додека се обидувала да поправи оштетен дел од ISS.
Губењето на таа торба ги принуди контролорите на мисијата да ги променат плановите за преостанатите вселенски прошетки планирани за време на мисијата Ендевор.