Нема многу бучава во вакуумот во вселената, но НАСА неодамна откри дека црните дупки испуштаат звуци кои потсетуваат на морничави, неземни липања.
Во понеделникот, НАСА на својот Твитер објави аудио снимка од морничави звуци кои доаѓаат од бранови под притисок од црна дупка и минуваат низ група галаксии, пренесува Business Insider.
Слушнете ја снимката на НАСА од морничавите звуци на притисок од црна дупка која минува низ галаксиите во Персеј.
„Лажната претпоставка дека има тишина во вселената постои бидејќи просторот е главно вакуум, низ кој звучните бранови не можат да патуваат. Јатото галаксии има толку многу гас што успеавме да ги фатиме звуците“, беше објавено на Твитер на НАСА.
Тој звук, сепак, не може да го слушне човечкото уво бидејќи е премногу длабок.
Опсерваторијата Чандра фатила податоци од брановите во галаксиите Персеј, видливи со рендгенски зраци, кои личат на тивки звуци.
НАСА потоа го префрлила звукот од својот оригинален регистар на оној што луѓето можат да го слушнат – што е за 144 и 288 квадрилиони повисоки фреквенции од оригиналот.
НАСА првпат го објави аудиото во мај, но објавувањето во понеделникот предизвика бурни реакции.
„Ова е кул и многу, многу морничаво“, напиша водителот на Си-Ен-Ен Џим Счиуто на Твитер.
Профилот на Твитер за подкастот BlindBoy објави дека црната дупка звучи како „милијарди души во маки“, а канадската актерка Елизабет Боуен го спореди звукот со „онаа сцена во филмот кога некој ќе налета на сатанистички култ среде шумата.
„Сите зборуваат за тоа колку е ова морничаво, но најстрашно ми е како звукот едноставно престанува“, вели астрономскиот блогер Фил Плаит.
Кога првпат ја објави снимката, НАСА сподели и малку попријатна сонификација на звуците од М87, црната дупка чија фотографија – првата црна дупка досега – беше објавена од проектот телескоп Event Horizon уште во 2019 година.
Тој звук доаѓа и од податоците од телескопот Чандра, но вклучува и аудио интерпретации од телескопот Хабл и радио бранови од астрономскиот проект АЛМА во Чиле.
Таквата комбинација бараше повеќе креативност отколку едноставно прилагодување на фреквенцијата, а НАСА ја претвори во прекрасна музика.
Најгласниот дел од звуците од М87 одговара на најсветлиот дел од фотографијата – токму оној каде што се наоѓа црната дупка.