Најмалку 43 загинати во лизгање на земјиштето во Венецуела

Сподели со своите пријатели

Најмалку 43 лица загинаа во големо лизгање на земјиштето одрон во северна Венецуела, а повеќе од 50 се водат како исчезнати, изјави во вторникот потпретседателката Делси Родригез.

Loading...

Венецуелскиот претседател Николас Мадуро, пак, рече дека потрагата по преживеани ќе продолжи по саботното лизгање на земјиштето во градот Лас Техеријас, околу 50 километри југозападно од Каракас, ветувајќи дека неговата влада „ќе го обнови овој прекрасен регион“.

Уништени се повеќе од 300 куќи, а стотици се оштетени.

Обилните дождови донесени од бурата Јулија, која ја погоди Никарагва како ураган во текот на викендот, предизвикаа излевање на неколку реки, рече Родригез, а пренесе венецуелската телевизија Телесур.

ПРОЧИТАЈТЕ И:  САД и Јужна Кореја спроведоа воени вежби во близина на Корејскиот полуостров

Тропската бура Јулија предизвика лизгање на земјиштето и поплави во Централна Америка, при што загинаа најмалку 25 луѓе.