ОПЕК ја откажа акредитацијата на новинарите од „Блумберг“, Ројтерс и „Волстрит журнал“ за конференцијата на оваа организација што ќе се одржи во Виена, пренесува „Блумберг“.
На конференцијата на ОПЕК ќе присуствуваат и првиот човек на „Бритиш петролеум“ Бернард Луни и високиот функционер на Европската унија Кадри Симсон.
„Ние сме многу загрижени поради можноста ОПЕК да исклучи одредени новинари, вклучително и Блумберг, од семинарот следната недела“, се вели во соопштението на Блумберг, додавајќи:
„Заради транспарентност на пазарот, ние силно се залагаме ОПЕК да им дозволи на новинарите од релевантните глобалните вести да присуствуваат на овој настан“.
Според анонимни извори запознаени со ситуацијата, на Ројтерс и на Волстрит журнал им се одземени и акредитивите.
Ројтерс и „Волстрит џурнал“ немаа коментар, пренесува РТ.
Претставниците на ОПЕК, организацијата на земјите извознички на нафта, која договори заедничка политика за производство на нафта, ќе се соберат од 5 до 6 јули на конференција во државната палата Хофбург во Виена.
Ова е втор пат за еден месец ОПЕК да ги исклучи новинарите од своите состаноци.
Во мај, групата одлучи да не ги поканува новинарите од Блумберг, Ројтерс и Волстрит журнал на состанок одржан на 3 и 4 јуни, иако на други новинари им беше дозволено да присуствуваат.
ОПЕК не ја објасни својата одлука.
„Ова е нашата куќа“, рече накратко на прес-конференцијата генералниот секретар на ОПЕК Хајтам Ел Гаис.