Синоќа беше една од најстудените во Москва од почетокот на летото, со температура што падна на девет степени целзиусови, објави Михаил Леус, водечки специјалист во метеоролошкиот центар Фобос.
„Со делумно облачно небо и ладни воздушни маси што продолжија да се движат кон центарот на европскиот дел на Русија, ноќта во руската престолнина беше една од најстудените од почетокот на летото. Според податоците на градската метеоролошка станица, минималната температура беше 9,7 степени целзиусови, најниска температура за јули и август“, напиша Леус на својот Телеграм канал, пренесува РИА Новости.
Како што најави, претстојната ноќ нема да биде потопла.
Москва е погодена од неколку топлотни бранови од јуни, а последниот интензивен топлотен бран е забележан кон крајот на првата декада од август, при што дневната температура достигнува локални максимуми до 32 до 33 степени, со издавање портокалово временско предупредување.
Јули 2026 година беше најтоплиот во Русија од почетокот на редовните метеоролошки набљудувања, кои се спроведуваат од 1891 година, пренесува Танјуг.