Шокантниот инцидент што се случи во вторникот во центарот на Загреб ги згрози граѓаните на Хрватска.
Пожар избувнал во стан на улицата „Ѓорѓиќева“, а во туш кабината е пронајдено јагленосано тело.
Полицијата реагирала откако бил забележан чад кој излегува од станот и повикала пожарникари.
Засега истражителите, иако никој не сака официјално да зборува за тоа, претпоставуваат дека смртта е предизвикана од струен удар, што би го објаснило фактот дека телото е изгорено, додека другите работи во станот не се изгорени, пишува Јутарњи лист.
Како што неофицијално дознаваат, еден од соседите тврдел дека неколку часа пред да ги повика пожарникарите слушнал неколку мали експлозии од станот каде што било пронајдено телото, а пред утрото сосед кој живеел еден кат под станот почнал да гледа како вода истекува низ таванот.
Пожарникарите и полицијата биле изненадени што, иако телото било целосно карбонизирано, а просторијата полна со чад, не биле пронајдени траги од голем пожар, поточно, не се знае изворот или видот на енергија што довела до уништување на телото.
На крајот останува прашањето кој всушност е убиен во овој инцидент.
Имено, полицијата се сомнева дека станува збор за млад турист од Франција, но најверојатно наодите ги темели на евиденцијата за престој на лицето, или документите со кои се регистрирал, а кои можеби не се точни.
Се уште се врши точната идентификација на карбонизираното тело.