Милано се подготвува за хаос: Пристигнуваат 500 војници, стоката се отстранува од излозите (ВИДЕО)

On:
Сподели со своите пријатели

Владата на Италија ќе испрати дополнителни 500 војници да го „одбранат Милано“ по дводневните немири во кои демонстрантите се судрија со полицијата, ограбуваа продавници и уништуваа имот, изјави вицепремиерот Матео Салвини.

Се очекува распоредувањето на војниците да биде дел од пакетот безбедносни мерки за кои владата треба да одлучи на денешната седница.

Оваа одлука е донесена во време кога продавниците во центарот на Милано почнаа рано да ги затвораат вратите и да ги покриваат прозорците со штици, плашејќи се од обновена појава на насилство во италијанскиот финансиски центар, пишува Гардијан.

„Од збор на дело: уште 500 војници да го бранат Милано“, напиша на социјалните мрежи Салвини, лидерот на десничарската партија Лига, која е дел од владејачката коалиција.

 

 

ПРОЧИТАЈТЕ И:  Мерц: Се потценува заканата од Русија за европските општества

Ги запалија контејнерите за ѓубре

Повеќето продавници во луксузниот трговски кварт Виа Монтенаполеоне во Милано, каде што се наоѓаат брендови како Шанел, Тифани и Диор, ја отстранија стоката од своите излози како мерка на претпазливост.

Полициски службеници патролираа по улицата, додека неколку туристи ја набљудуваа ситуацијата.

Неколку стотици демонстранти со качулки, од кои многу се верува дека се малолетници, запалија контејнери за ѓубре и ограбија продавници во центарот на градот за време на викендот.

Немирите избувнаа по првично мирниот протест во саботата, чија цел беше да се привлече вниманието кон лошите јавни услуги и растечките трошоци за живот.

Меѓу ограбените продавници беа спортските синџири Декатлон и Арк’терикс и филијалите на телекомуникацискиот оператор Водафон, покажуваат телевизиските снимки.

ПРОЧИТАЈТЕ И:  Најмалку четири лица загинаа во уривање на нелегален рудник во Колумбија

Модните брендови Левис, Андер Армор и Декатлон ги покрија своите излози со картон и дрвени штици.

Италијанската премиерка Џорџа Мелони, која се соочува со национални избори следната година, го осуди насилството и вчера одржа состанок со министрите и раководителите на безбедносните служби за да разговара за ситуацијата.

„Владата решително ќе одговори на овие напади врз државата, меѓу другото, со мерки насочени кон сузбивање на малолетничкото насилство“, напиша на социјалната мрежа X министерот за надворешни работи Антонио Тајани, кој, како и Салвини, е и заменик-премиер.

Според „Кориере дела Сера“, Мелони размислува за продолжување на превентивниот притвор за малолетници и справување со малолетнички банди како дел од планираните мерки.

Се разгледува и порано стапување во сила на одредени одредби од постојниот закон за безбедност, кој моментално е во парламентарна постапка.

ПРОЧИТАЈТЕ И:  Силна бура ја погоди Шпанија. Има и загинати!

 

 

Немирите потсетуваат на оние во Франција

Италијанската полиција објави дека привела 271 младо лице за време на немирите во Милано во недела.

На немирите им претходеа судири во саботата во други градови во северна Италија, вклучувајќи ги Болоња, Бреша, Бергамо и Торино.

Според полицискиот извештај објавен во неделата, 28 демонстранти биле уапсени во Торино.

Немирите потсетуваат на оние во соседна Франција, каде што стотици илјади луѓе, незадоволни од зголемувањето на трошоците за живот и влошувањето на јавните услуги, излегоа на улиците во саботата.

Ова се едни од најнасилните протести во земјата во последните години.