Мексиканскиот претседател Андрес Мануел Лопез Обрадор изјави дека Мексико нема да се приклучи на проектот за заедничка валута што го планираат Бразил и Аргентина, пренесува Анадолија.
Говорејќи на прес-конференција, Лопез Обрадор ги отфрли плановите на владите на Бразил и Аргентина да создадат валута наречена „сур“ (југ) во обид да се намали комерцијалната моќ што ја има американскиот долар во регионот.
„Не би се согласиле со тоа“, рече Лопез Обрадор, нагласувајќи ја потребата од домашна валута поддржана од американскиот долар:
„Поради многу причини, мора да продолжиме да го држиме доларот како репер.
Намалување на зависноста од американскиот долар
Планираната валута беше дискутирана за време на патувањето на бразилскиот претседател Луис Инасио Лула да Силва во Аргентина пред седмиот самит на Заедницата на државите од Латинска Америка и Карибите (CELAC) во Буенос Аирес.
Според Лула, развојот на валутата „сур“ има за цел да ја зајакне регионалната трговија и да ја намали зависноста од американскиот долар, бидејќи многу земји не можат да држат долари, што ја ограничува трговијата низ целиот регион.