Претседателот на Белорусија, Александар Лукашенко, смета дека Србија, Босна и Херцеговина, Грузија и Молдавија ќе бидат вовлечени во НАТО според украинското сценарио.
„Влезот на Финска во НАТО, а наскоро и на Шведска, е нова фаза на експанзија на исток. Алијансата ќе ги вклучи Босна и Херцеговина, Молдавија, Грузија и Србија. И сè ќе се одвива според украинското сценарио“, рече Лукашенко на средбата со раководството на државните органи на системот за обезбедување национална безбедност, пренесува агенцијата Белта.
Како што додаде, прогнозите се неутешни.
„Апетитите и активноста на колективниот Запад само ќе растат. Вашингтон и неговите сојузници ќе продолжат да го прошируваат НАТО. Ситуацијата е повеќе од поволна за нив. Искрено ќе кажам: речиси сите европски лидери се претворија во поданици на САД – ако погледнеме чија политика, чии интереси доминираат на територијата на Европската унија“, оцени Лукашенко.