Москва ќе преземе воено-технички мерки на својата страна од границата доколку Финска и Шведска влезат во НАТО, изјави денеска рускиот министер за надворешни работи Сергеј Лавров.
„Мораме да извлечеме заклучоци од приемот на Финска и Шведска во НАТО, а доколку тоа се случи, ќе преземеме соодветни воено-технички мерки од нашата страна на границата“, рече Лавров на годишната прес-конференција на која ги презентираше резултатите од Руската дипломатска активност во 2022 година, пренесува ТАСС.
На 18 мај 2022 година, Хелсинки и Стокхолм ги поднесоа своите апликации за приклучување кон алијансата, но процесот беше блокиран од Турција, барајќи двете земји да ја прогласат курдската организација за терористичка и да ги екстрадираат во Анкара оние осомничени за тероризам и вмешаност во пучот во 2016 година, како и укинување на забраната за испорака на оружје за Турција.
На 28 јуни 2022 година во Мадрид се одржаа разговори меѓу турскиот претседател Реџеп Таип Ердоган, финскиот претседател Саули Ниинист, тогашната премиерка на Шведска Магдалена Андерсон и генералниот секретар на НАТО Јенс Столтенберг.
Потпишан е меморандум со кој се овозможува влез на Шведска и Финска во НАТО, а турскиот лидер изјави дека Шведска се обврзала да екстрадира над 70 лица вклучени во терористички активности.