Светска банка соопшти дека првата проценка покажува дека материјалната штета на објектите и инфраструктурата во Украина достигнала околу 60 милијарди долари.
Проценката не ги вклучува растечките економски трошоци од војната.
„Износот ќе продолжи да расте како што војната напредува“, рече претседателот на Светска банка Дејвид Малпас на прес-конференција.
Украинскиот претседател Володимир Зеленски изјави дека на земјата и се потребни околу седум милијарди долари месечно за да ги компензира своите економски загуби и „стотици милијарди долари за да се врати сето тоа подоцна“.
Тој побара од земјите кои воведоа санкции и го замрзнаа рускиот имот да ги искористат тие пари за обнова на Украина по војната и да ги платат загубите што ги претрпеа другите земји.