Кина ќе купи 200 авиони „Боинг“ и ќе бара продолжување на трговскиот договор со САД што беше постигнат во Куала Лумпур минатата година, објави денес кинеското Министерство за трговија.
Како што е наведено во соопштението, двете страни ќе бараат реципрочно намалување на царините за стоки во вредност од 30 милијарди долари или повеќе, со одредба дека американските царини за Кина не смеат да го надминат нивото утврдено со договорот од Куала Лумпур, објавува Ројтерс.
Кина и САД постигнаа договор во Куала Лумпур пред состанокот меѓу Трамп и Си во Јужна Кореја во октомври, продолжувајќи го нивното царинско примирје за една година.
Договорот вклучуваше намалување на американските царини за кинески стоки и прекин на новите ограничувања на Пекинг за ретки земни минерали и магнети.
Кога станува збор за најавеното купување на авионот, Ројтерс потсетува дека вчерашното соопштение ја означи првата потврда од Пекинг за нарачката на „Боинг“, објавува Танјуг.
Американскиот претседател Доналд Трамп ја посети Кина минатата недела на самит со претседателот Си Џинпинг, а патувањето резултираше со низа трговски ветувања, вклучувајќи купување на Боинг и пристап до земјоделскиот пазар.
Трамп по самитот во Пекинг изјави дека купувањето на Боинг може да се зголеми на дури 750 авиони, додавајќи дека ќе имаат мотори од Генерал Ескорт.
САД ќе обезбедат гаранции за снабдување на Кина со делови и компоненти за авионски мотори како дел од договорот со Боинг, соопшти кинеското министерство.