Поранешниот кинески министер за земјоделство и партиски секретар Танг Ренџијан (61) е уапсен под сомнение за корупција, соопшти денеска главниот државен обвинител.
Врховното народно обвинителство, во согласност со законот, донесе одлука за апсење на Танг Ренџијан, под сомнение за примање мито, се вели во соопштението на Обвинителството кое го пренесува Ројтерс.
Танг беше отстранет од списокот на извршни директори на веб-страницата на Министерството за земјоделство во мај, а шест месеци подоцна беше исклучен од Комунистичката партија.
Истрагата за Танг потоа беше спроведена невообичаено брзо, по слични истраги против поранешниот министер за одбрана Ли Шангфу и неговиот претходник Веи Фенге, како дел од кинеската борба против корупцијата.
Според официјалните биографии, Танг бил гувернер на западната провинција Гансу од 2017 до 2020 година, пред да биде назначен за министер за земјоделство и рурални работи.