Како била дочекана Новата 1962 година во Куманово? (ФОТО)

Весела новогодишна ноќ. Вечерва во градот се прелива во светлина и празничка облека. Сите хотели и фабрички ресторани свечено декорирани ги пречекаа трудбениците за да им пружат што попријатна ноќ. Во хотелот „Кристал“ е интимно. Луѓето се весели, насемани, радосни. Се пее и танцува. Се се радува. Се редат песна по песна, игра по игра, оро за оро.  

  Во хотелот „Куманово, Домот на Југословенската народна армија е исто така весело, празнично расположението. Трудбениците од Фабриката за рабни цевки „11 октомври“, Фабриката за амбалажа, за челви „ЧИК“ за трикотажа и конфекција „Киро Фетак“ и други, неовогодишната ноќ ја проведоа во своите фабрики, близу до своите машини.  

  Оваа година новогодишната ноќ помина многу весело. Луѓето, стари и млади, се веселеа, пееја, ја испраќаа старата година, радосни дека таа значела многу работни победи, многу нови постигнувања, многу повеќе материјални богатства и подобар живот. Тие си ја честитаа Новата година. Со желби за нови успеси и лична среќа, за нови победи на сите полиња од нашата социјалистичка изградба.  

  Мугрите јапробиваа темната ноќ. Граѓаните излегоа на улиците. Никому не му се одеше дома. Секој сакаше ова аноќ, новогидшната ноќ, да потрае што подолго, да потрае долго, долго, зашто таа беше весела и незаборавна. Сончевиот превез ги златешти градските покриви, а улиците беа полни со свет. Веселите звуци на гајдата и тапаните го огласуваа почетокот на првиот ден од Новата година. Извор: „Наш весник“ број 6 (понеделник, 15 јануари 1962. година)