Јелен: САД сакаат да видат побрз напредок во реформирањето на Светската банка

Сподели со своите пријатели

Американската министерка за финансии Џенет Јелен најави дека САД сакаат побрза реформа на Светската банка, која ќе оди во насока на проширување на нејзиниот капацитет за заеми за решавање на климатските промени и другите глобални кризи, пренесува Ројтерс.

Loading...

Патоказот за еволуција на Светска банка, објавен од Ројтерс претходно овој месец, бара банката да преговара со акционерите, пред нејзините состаноци во април, за предлози кои вклучуваат зголемување на капиталот и нови инструменти за кредитирање.

Го повикува раководството на Светска банка да даде конкретни предлози за промена на нејзината мисија, оперативен модел и финансиски капацитет кои би можеле да бидат одобрени од заедничкиот комитет за развој на Светска банка и Меѓународниот монетарен фонд во октомври, наведува британската агенција.

ПРОЧИТАЈТЕ И:  Ледена бура ја зафати Америка: Откажани 1.700 летови

Јелен најави дека патоказот на Светска банка е „конструктивен документ“ и претставува добра основа за дискусија, но дека е потребно да се направи повеќе од тоа.

– Имаме одредени грижи. Би сакале да видиме одреден напредок во побрза временска рамка. И мислиме дека има некои работи што би можеле да се направат за да се прошири кредитирањето со оглед на моменталното ослободување на капиталот, изјави таа за Ројтерс додека патуваше од Сенегал во Замбија.

Јелен изјави дека работата на реформите, прво на Светската банка, а потоа и на другите мултилатерални развојни банки, е еден од нејзините најголеми приоритети оваа година.

ПРОЧИТАЈТЕ И:  Папата Франциско ги повика граѓаните на Конго да им простат на оние кои им нанеле неправда

САД, најголемиот акционер на банката, соработуваат со други земји за да ја поттикнат Светската банка да изготви план за реформи, за што расправаше одборот на директори на банката на 11 јануари, според Ројтерс.