Портпаролот на израелската армија, Даниел Хагари, во објава на Х рече дека израелски воени авиони извршиле голем бран напади на либанска територија, пренесува Ал Џезира.
Еден израелски војник загина, а осум се ранети претходно денеска во напади од јужен Либан.
Медиумите претходно објавија дека израелскиот воен кабинет се состанал за да разговара за тоа како да одговори на силното гранатирање на Хезболах врз градот Сафед.
Израелскиот екстремно десничарски министер за национална безбедност Итамар Бен-Гвир, исто така, наводно испратил порака на премиерот Нетанјаху барајќи од него итен состанок.
Бен-Гвир го предупреди израелскиот лидер дека бомбардирањето од Либан не е „капка“, туку вистинска војна и го повика да ја преиспита актуелната стратегија на северот на Израел.