Иран тврди дека нивните воздушни сили ја произвеле првата хиперсонична балистичка ракета способна да навлезе во софистицирани системи за противвоздушна одбрана.
Веста за иранските медиуми ја потврди командантот Амир Али Хаџизадех, а пренесува иранската новинска агенција Тасним.
Хаџизадех рече дека балистичката ракета достигнува огромни брзини и може да лета под и над земјината атмосфера.
„Мислам дека нема да има технологија за да се спротивстави на тоа со децении“, рече тој.
„Големиот скок“
Тој нагласи дека новата ракета е создадена за да ги уништи непријателските противракетни системи.
Според него, развојот на такво оружје е голем скок во производството на ракети.
Хиперсоничните проектили се меѓу најмоќните оружја што постојат.
Тие можат да погодат цели на кое било растојание на Земјата во рок од еден час и да ја сменат траекторијата при летот.
Во моментов, САД, Русија и Кина имаат такво оружје, а Русија беше единствената што го користеше во борба, а тоа беше во Украина.
Австралија, Индија, Франција, Германија и Јапонија развиваат технологија за хиперсонично оружје, додека Иран, Израел и Јужна Кореја исто така претходно објавија дека таквото оружје е во фаза на истражување и развој.