Синот на норвешкиот крал Харалд V, кој почина денес, Хакон ќе биде новиот крал на Норвешка.
Хакон формално ќе ја извести владата за смртта на својот татко на вонреден државен совет, состанок на кабинетот со новиот монарх, а потоа ќе објави кое име и мото ќе го користи како крал, пишува Ројтерс.
Се очекува да го задржи името Хакон и да стане Хакон Осми.
Неколку дена подоцна, тој ќе положи заклетва пред норвешкиот парламент, Стортинг, и ќе вети дека ќе владее според Уставот и законите.
Во Норвешка нема да има официјално крунисување.
Доколку се одлучи церемонијата на осветување да се одржи во катедралата Нидарос во Трондхајм, кралската круна ќе биде изложена, но Хакон нема да ја носи.
По церемонијата, според традицијата, новиот крал и кралица треба да ја обиколат земјата.
Пред сето тоа, Норвешка ќе ја одбележи смртта на кралот Харалд со неколкудневна национална жалост, по што тој ќе биде погребан во катедралата во Осло, пренесува Танјуг.
Кралот ќе биде погребан во кралскиот мавзолеј на тврдината Акерсхус, покрај неговите предци.