Луксузно возило Ferrari 250 GTO од 1962 година беше продадено за 51,7 милиони долари во Њујорк синоќа, со што стана вториот најскап колекционерски автомобил продаден на аукција, објави Sotheby’s.
Возилото било во сопственост на американски колекционер цели 38 години.
Ферари 250 GTO продаден во 2018 година, исто така во Сотби, за 48 милиони долари.
Речиси три пати повеќе пари донесе апсолутниот рекордер на аукциска продажба на автомобили, купето Mercedes Benz 300 SLR, кој беше продаден за 135 милиони евра во мај 2022 година.
Ферари 250 ГТО од 1962 година беше продаден синоќа по неколкуминутно наддавање во салата, но, сепак, по значително пониска цена од рекордниот Мерцедес.
По неколку години трки во Италија и Сицилија, Ферарито било продадено и извезено во САД на крајот на 1960-тите.
Реставриран, модифициран, тој 250 GTO неколку пати ги менувал американските сопственици и конечно во 1985 година завршил во рацете на колекционер од Охајо кој го продаде вчера.
Две аукциски куќи во Њујорк, Сотби и Кристи, неделава ја завршуваат есенската сезона на продажба на уметнички дела, која, како што се наведува, не ја познава кризата и каде прометот е стотици милиони долари.
Пазарот е предводен од Кина и Азија и не покажува знаци на забавување и покрај напнатата меѓународна средина, според Sotheby’s.
„Што и да се случува на финансиските пазари, возило од овој калибар е колекционерско дело, единствена можност за колекционер“, изјави Мајкл Кајмано од Сотби за AFP пред продажбата, споредувајќи го Ферарито со уметничко дело што може да се „допре, мириса. и слушна.”
A 1962 Ferrari 250 GTO to be auctioned by RM Sotheby’s next week!
It has a storied racing history, including Nürburgring and Le Mans.
The current 250 GTO record is $70 million, while the world’s most expensive car sold for $143 million in 2022. pic.twitter.com/bWYECZWs1g
— AR12GAMING (@AR12Gaming) November 7, 2023