Обвинителството на Европската унија денеска соопшти дека отворило истрага за набавка на вакцините против коронавирус во Унијата.
„Европското јавно обвинителство (ЕППО) потврдува дека истрагата за набавка на вакцини против КОВИД-19 во Европската унија е во тек. Оваа потврда доаѓа по екстремно високиот јавен интерес. Во оваа фаза нема да бидат објавени дополнителни детали“, објави Обвинителството накратко на Твитер.
Во времето на пандемијата, Европската комисија беше снабдувач на вакцини за земјите-членки на Унијата. Оваа институција има централизирани набавки. а потоа земјите ги купија овие залихи.
Комисијата обезбеди околу 4,2 милијарди дози од вакцините за Ковид-19. Повеќето од овие вакцини се од типот mRNA и се произведени од германската компанија BioNTech и американскиот гигант Pfizer.
Во април 2021 година, Њујорк Тајмс објави дека претседателот на Комисијата фон дер Лајен и шефот на Фајзер Алберт Бур размениле СМС пораки.
Комисијата не ја откри содржината на тие пораки и покрај инсистирањето на новинарите Комисијата да биде транспарентна.
Тогаш за овие пораки се заинтересира Емили О’Рајли, европскиот омбудсман, која исто така смета дека јавноста има право да ја знае содржината на пораките, не само за вакцините, туку и за сите документи на Унијата.
Портпаролот на Комисијата рече дека претседателката Урсула фон дер Лајен не преговарала за договори за фармацевтските компании да купуваат вакцини.
Тој објасни дека овие преговори на страната на ЕУ биле надгледувани од управен комитет што ги собира „претставниците на Комисијата и сите земји-членки“.
Договор со BioNTech/Pfizer за купување до 1,8 милијарди дози од пролетта 2021 година, што тогаш беше проценето на 35 милијарди евра.
Во извештајот објавен во септември, Европскиот суд на ревизори, кој го контролира буџетот на Унијата, рече дека не добил ниту една од бараните информации во врска со прелиминарните преговори.
Европското јавно обвинителство е наднационално тело кое официјално започна со работа во 2021 година.
Тоа е независно тело на ЕУ одговорно за судење злосторства што ги засегаат финансиските интереси на ЕУ.
Станува збор за дела како измама, корупција, перење пари и проневера, акти кои можат негативно да се одразат врз парите на даночните обврзници на ЕУ.
Обвинителството е надлежно кога делата се извршени, во целост или делумно, на територијата на една или повеќе земји-членки на ЕУ, кога ги извршил државјанин на земја членка на ЕУ и кога кривичните дела ги извршил лице кое било предмет на Регулативата за персонал или условите за вработување на персоналот.
Романката Лаура Ковеси беше назначена на чело на првото европско обвинителство во октомври 2019 година.