Дуњата е исклучително лековито овошје. Лековит е плодот, листовите и семето, а особено сокот и сирупот. Благодарение на танинот и слузта поволно делува на работата на цревата и спречува инфективни болести.
Од витамини највеќе има витамин Ц, но и многу каротен ( провитамин А ), витамин Б1 и Б2, како и нијацин. Богата е со бакар, калиум, калциум, магнезиум, натриум, железо, сулфур и хлор.
Дуњата треба да се користи како лек, или како помошно лековито средство кога се во прашање следните болести и тегоби: акни, анемија, болести на грлото и носот (крајници), бронхитис, грчеви во желудник, грип и настинка, дијареа, егзема, лош здив, инфекции на кожата, зајакнување на имунитетот, кашлица, нервоза, несоница, изгореници, проблеми со желудникот и органите за варење, проблеми со кожни болести, разни инфекции, воспаление на органите за дишење, го забрзува зараснувањето на раните.
Затоа ви советуваме во својата исхрана да ја додадете дуњата како овошје, десерт или почесто да користите производи од дуња, особено како додаток во исхраната на децата. Нормално, најпрепорачливо е да ги конзумирате свежи, навистина се вкусни, и само така во вашиот организам ќе можете да ги внесете сите витамини кои таа во себе ги содржи.