Бројот на луѓе кои бараат азил во Европа го достигна својот максимум во последните шест години, предупреди Агенцијата за азил на Европската унија (ЕУАА) и објави дека сириските граѓани најмногу бараат меѓународна заштита.
Агенцијата наведува дека во септември биле поднесени околу 98.000 барања за азил во 27 земји-членки на Европската унија (ЕУ) и во Норвешка и Швајцарија.
„Околу 15.500 Сиријци и 13.700 Авганистанци официјално побараа меѓународна заштита“, се вели во соопштението, според агенциите.
Турските државјани ја сочинуваат третата по големина група, со 5.800 апликации во септември, што е рекорд на сите времиња за земја во која ЕУ врати потенцијални мигранти.
„Во септември е забележан рекорден број Индијци, Бангладешци, Тунижани, Грузијци, Мароканци и Египќани“, наведува EUAA.
Во исто време, голем број луѓе кои бегаат од руската инвазија на Украина продолжија да бараат статус на привремена заштита, што им овозможува краткорочен пристап до финансиска помош, домување и вработување.