Хуманитарниот брод „Лекари без граници“ „Гео Баренц“ спаси синоќа 440 мигранти од брод зафатен во невреме во меѓународните води кај Малта, соопшти денеска невладината организација.
„По операција од повеќе од 11 часа, спасувањето сега е завршено, а вкупно 440 луѓе, меѓу кои осум жени и 30 деца, сега се безбедни на бродот „Гео Баренц“ и за нив се грижи нашиот тим“, објавија Лекари без граници на Твитер. со слики од спасувањето.
Бродот „Гео Баренц“ добил повик за помош додека барал засолниште во Медитеранот за време на невремето, а потоа го променил курсот за да дојде на помош, соопшти организацијата.
Поради лошите временски услови, екипата на Лекари без граници не можела веднаш да оди на помош, се вели во соопштението.
Според извештаите, во 4 часот вечерва, по 10 часа пловење во немирно море, екипата конечно успеала да стигне до пловилото со мигрантите, пренесува Бета.
Италијанските власти го блокираа хуманитарниот брод на Лекари без граници во февруари, обвинувајќи го за кршење на новите прописи за мисиите за спасување мигранти.
Премиерката Џорџа Мелони, лидер на екстремно десничарската партија Браќа на Италија, дојде на чело на владејачката коалиција во октомври со ветување дека ќе го намали бројот на мигранти кои пристигнуваат во земјата.
Новиот закон ги обврзува хуманитарните бродови да вршат само по едно спасување, што, според критичарите, го зголемува ризикот од страдање на мигрантите на медитеранската рута, која се смета за најопасна во светот.