Во третиот квартал, од јули до септември, платите во Велика Британија номинално пораснале за 7,7 отсто на годишно ниво, а реално за 1,3 отсто, објави денеска британската канцеларија за национална статистика – ONS.
Растот е побавен отколку во претходните два квартали кога платите во Британија се зголемија за рекордни 7,9 отсто номинално во однос на истиот период минатата година, се наведува на веб-страницата ONS.
Платите во приватниот сектор се зголемени за 7,8 отсто во третиот квартал во однос на истиот квартал лани, а платите во јавниот сектор за 7,3 отсто.
Ако во оваа пресметка ги вклучиме и бонусите, платите во Велика Британија номинално пораснале за 7,9 отсто на годишно ниво од јули до септември.
Невработеноста во Велика Британија во третиот квартал изнесува 4,2 отсто, исто како и во претходниот квартал и во согласност со очекувањата на пазарот, пренесува Танјуг.