Пожарот во салон за автомобили на Тесла во Рим, во кој беа уништени 17 автомобили, е терористички чин, изјави американскиот милијардер и сопственик на Tesla, Илон Маск.
Италијанската специјална полициска единица Дигос води истрага за можноста анархисти да запалиле автомобили во источната периферија на италијанската престолнина, објави Ројтерс, повикувајќи се на извор од безбедносните сили.
Автомобилите на Tesla станаа мета на вандализам во неколку земји како одговор на десничарскиот активизам на Маск.
Демонстрантите се собраа во саботата пред салоните за автомобили на Tesla во неколку американски и европски градови, протестирајќи против отпуштањата на американското Министерство за ефикасност на владата (DOGE), на чело со Маск.
Протести се одржаа пред дилерите на Tesla во Њу Џерси, Масачусетс, Конектикат, Њујорк, Мериленд, Минесота и Тексас и големите американски градови како Вашингтон, Чикаго, Синсинати и Сиетл.
Демонстрации против Маск се одржаа и во други делови на светот, па група луѓе кои се против неговата политика се собраа во Лондон пред застапништвото на Tesla.
#Incendio in una concessionaria #Tesla a #Roma, danneggiate dalle fiamme 17 auto: le immagini dal drone delle vetture carbonizzate pic.twitter.com/XeTDoZN7oD
— Local Team (@localteamit) March 31, 2025