Соединетите Американски Држави треба да ги ограничат инвестициите во воздухопловниот сектор на Кина и да не издаваат сертификати за кинески авиони, како и да ги раскинат договорите со одбранбените компании кои продолжуваат да инвестираат во кинеската индустрија, вклучувајќи го и европскиот Ербас, според извештајот на специјалниот комитет на Претставничкиот дом на САД за Кина, кој го виде Ројтерс.
Извештајот, кој е резултат на едногодишна истрага, препорачува заострување на контролата на извозот и ограничување на инвестициите за да се спречи трансферот на технологии што би можеле да ги зајакнат воените капацитети на Кина.
Одборот, исто така, предлага Федералната администрација за воздухопловство (FAA) да не дозволува кинески авиони да летаат во САД, наведувајќи го отсуството на кинески извештај за падот на авионот на China Eastern Airlines од 2022 година и државните субвенции за производителите Komak и Avik.
Извештајот, исто така, предупредува на трансфер на технологија до кинески субјекти поврзани со војската, наведувајќи ги компаниите „Honeywell Aerospace“, „GE Aerospace“ и „Collins Aerospace“.
Овие компании тврдат дека работеле во согласност со американските прописи.
Кинеската амбасада во Вашингтон го критикуваше извештајот, оценувајќи дека ги политизира трговските и технолошките прашања, додека „Ербас“ одби да ги коментира обвинувањата.

