Албанскиот премиер Еди Рама изјави дека неодамнешните протести се користат за дестабилизација на земјата и нарушување на процесот на преговори со Европската Унија, велејќи дека никој не може да ја собори владата со сила.
На состанокот со директорите на средните училишта, одржан во Министерството за образование, каде што зборуваше за учеството на адолесцентите во протестите, насилството врз полицијата и мерките што владата ги разгледува за да се спречи повторување на инцидентите, Рама оцени дека протестите не се поврзани со ученици и средношколци, иако, како што изјави, во нив учествуваат и млади луѓе со екстремни политички ставови.
„Ова е напад кој е организиран во прецизна рамка, извршен од обучени раце и хранет од внатрешен оган, поттикнат од странски актери. Тоа е хибридна војна која функционира до таа мера“, рече Рама.
Тој ги отфрли тврдењата за непропорционална употреба на полициска сила против демонстрантите, наведувајќи дека, според неговите податоци, повредени се околу 200 полицајци и 80 демонстранти.
BREAKING: Police Officer Catches Fire After Molotov Cocktail Attack During Protests In Albania
A police officer was engulfed in flames after being struck by a Molotov cocktail during violent anti-government protests in Tirana, Albania. Footage published by Italian media on October 19 showed the officer attempting to extinguish the flames as fellow officers rushed to help. The incident occurred amid escalating clashes between demonstrators and riot police in the Albanian capital.
Protesters have thrown Molotov cocktails, rocks, fireworks and other objects at police and government buildings. Officers have responded with tear gas, water cannons and other crowd-control measures as violence spread through central Tirana. A police station was also reportedly attacked, with fires and damage recorded during the unrest.
The demonstrations have grown out of public anger over alleged corruption, unemployment, education conditions and controversial development plans. Students and other demonstrators have called for Prime Minister Edi Rama to resign, while the government has rejected demands for him to step down. The protests have continued for several days, becoming a significant challenge for the government.
Authorities have reported injuries among police officers and protesters, alongside arrests and damage to public and private property. The violence has raised concerns about public safety and the risk of further escalation as demonstrations continue. While the right to peaceful protest remains fundamental, attacks involving incendiary weapons pose serious risks to officers, demonstrators and bystanders.
Explore more at : https://t.co/bDOofTAqi1
Stay Updated follow us on,
X: @geopoliticsnow_
Instagram: @geopoliticsnow360#GN360 #Albania #Tirana #Protests #MolotovCocktail #Police #CivilUnrest #EdiRama #BreakingNews #Europe #Geopolitics
— Geopolitics Now 360 (@geopoliticsnow_) October 20, 2026
Рама рече дека меѓу учесниците на протестот имало маскирани млади луѓе кои, како што изјавил, биле донесени од приградските населби со цел да предизвикаат страв и да ја нападнат полицијата.
Како што изјави, насилството го користат групи чија цел е да создадат нестабилност и да го попречат напредокот на земјата кон европската интеграција.
„Камен во раката на лице кое го фрла кон полицијата е оружје. Овој бран на насилство мора да се запре“, рече Рама, додавајќи дека почувствувал „голема загриженост“ кога видел сцени од улиците, прашувајќи се дали младите луѓе вклучени знаат кој стои зад немирите.
Рама, исто така, критикуваше дел од медиумите, тврдејќи дека некои од нив известуваат за протести во служба на политички, економски и владини интереси, што „доведува до тоа загриженоста во општеството да се претвори во гнев со цел соборување на владата“.
„Сè се прави за да се претвори општествената загриженост во гнев, за да може владата да биде соборена, што никогаш нема да се случи“, рече премиерот на Албанија.
Албанскиот премиер изјави дека владата е подготвена за дијалог со секој што има друга политичка алтернатива, и покрај фактот што мнозинството ги освои гласовите на граѓаните.
„Владата и јас сме подготвени за дијалог со секого. Нека дојдат кај мене лице в лице и нека ми кажат дека треба да си заминеме, дека имаат поинаков пристап, поинаква програма. Јас сум подготвен безусловно да го сослушам секого, каде било“, рече Рама.
Тој најави дека се разгледува пакет административни мерки против лицата што учествуваат во насилство за време на протестите.
Според него, родителите би можеле да сносат финансиска одговорност за штетата предизвикана од нивните деца, додека се разгледува можноста за намалување на старосната граница за кривична одговорност.
Меѓу можните мерки е ограничувањето на користењето на социјалните мрежи за деца под 16 години, како и санкционирањето на адолесцентите кои испраќаат закани или поттикнуваат насилство преку интернет платформи.