Дури десет пожари изминатото деноноќие гореле на територијата на општините Куманово, Липково и Старо Нагоричане.
Како што информираат од Регионалниот центар за управување со кризи, моментално активен пожар има во селата Липково, Слупчане и Бељаковце, а повеќе детали најавуваат во текот на денот.
Вчера пак пожарникарите интервенирале првин на запалено стрниште во липковско Оризаре во период од 10:55 до 11:50 часот.
Сува трева горела во селото Пчиња во период од 13:20 до 14:05 часот каде интервенирале тројца пожарникари.
Сува трева горела и во селата Опае, Руѓинце, Долно Којнаре, Слупчане, Черкезе и Табановце.
На улицата „Димитар Влахов“ пожарникарите интервенирале и на запален оџак од куќа.
Сува трева вчера горела и во селото Руѓинце, каде интервенирале осум пожарникари на ТППЕ Старо Нагоричане со три противпожарни возила.
Пожарот се проширил и во селото Бељаковце, каде изгорел и еден стар објект.
На помош пристигнале и тројца пожарникари од Куманово, а во гаснењето помагале и меташните од селата.
Пожарот избувнал околу 14 часот, а бил ликвидиран дури синоќа околу 21:30 часот.
Никола Ивановски