Околу седум од 10 Руси му веруваат на рускиот претседател Владимир Путин и позитивно ја оценуваат неговата работа, покажаа две анкети на руските истражувачки центри VCIOM и FOM.
Според анкетата на VCIOM, 72 проценти од испитаниците имаат доверба во Путин, додека 22,7 проценти не, објави Риа Новости.
67,7 проценти од анкетираните ја одобруваат неговата работа како претседател, а 20,9 проценти не ја одобруваат.
Анкетата на FOM покажа слични резултати: Околу 70 проценти од испитаниците рекле дека му веруваат на Путин, додека 17 проценти немаат доверба во него.
Ист процент, 70 проценти, веруваат дека Путин добро ја извршува функцијата претседател, додека 14 проценти имаат спротивно мислење.
Разлики се забележани во оценката на работата на владата.
Според VCIOM, 45,2 проценти од испитаниците ја одобруваат нејзината работа, додека 24,2 проценти не ја одобруваат.
ФОМ забележа дека 45 проценти од Русите веруваат дека владата добро работи, додека 34 проценти ја оценуваат нејзината работа негативно.
Кога станува збор за рускиот премиер Михаил Мишустин, 55,3 проценти од испитаниците во анкетата на ВЦИОМ изразиле доверба во него, додека според ФОМ, 49 проценти од граѓаните ја оцениле неговата работа позитивно.
Двете анкети покажаа и дека Единствена Русија би била убедливо најпопуларната партија доколку изборите за Државната дума се одржат следната недела.
Според ВЦИОМ, 39,2 проценти од испитаниците би гласале за неа, а според ФОМ, 32 проценти. Анкетата на ВЦИОМ е спроведена од 17 до 23 август меѓу 1.600 возрасни испитаници, со маргина на грешка од 2,5 проценти.
ФОМ ја спроведе анкетата од 21 до 23 август меѓу 1.500 испитаници, со маргина на грешка до 3,6 проценти, пренесува Танјуг.