Една жена е убиена, а четири лица се повредени во ноќен напад на украински беспилотни летала врз Донецк, објави градоначалникот на тој град, Алексеј Кулемзин.
„Во округот Киров, во напад со беспилотно летало врз приватна куќа е убиена жена родена во 1964 година и повредена жена родена во 1978 година“, напиша Кулемзин на платформата Макс, пренесува РИА Новости.
Во округот Калинин, двајца мажи и една жена се повредени во нападот.
Според извештаите, неколку згради и возила се уништени, а оштетени се и прозорците на блиските згради, пренесува Танјуг.