Земјотрес со магнитуда од 5,8 степени го погоди денес островот Минданао на Филипините, објави Германскиот истражувачки центар за геолошки науки (GFZ).
Во соопштението се наведува дека епицентарот на земјотресот бил на длабочина од 10 километри, објави Ројтерс.
Филипинската сеизмолошка агенција објави дека не се очекуваат штети или последователни потреси по овој земјотрес чиј епицентар бил во морето, пренесува Танјуг.