Станува збор за нов пакет санкции, којзнае кој од серијата, со цел да се зголеми притисокот врз Русија да ја прекине војната.
Овие мерки се насочени кон срцето на рускиот воено-индустриски комплекс, руската флота од бродови во сенка и мрежите што ги охрабруваат хибридните напади на Москва против Европа, но овој пат и пропагандниот сегмент на Русија.
Санкциите вклучуваат замрзнување на средства и забрани за влез на неколку производители и добавувачи на беспилотни летала и друга воена опрема што ја користи Русија во Украина.
Санкции беа воведени против 81 физичко и правно лице за поддршка на руската агресија против Украина и кршење на човековите права во Русија.
Меѓу санкционираните се компании од Турција, Обединетите Арапски Емирати, Азербејџан и Кина.
Обид да се запре хибридната војна на Русија
Она што особено привлекува внимание е ударот од Брисел врз пропагандната мрежа што ја користи Русија за хибридни пропагандни активности.
Бројни новинари и уредници на државни руски медиуми беа на санкционираниот список за ширење дезинформации и оправдување на руската агресија против Украина.
ЕУ објави нов пакет санкции против режимот на Путин
Фактот дека руската инфлуенсерка Александра Саша Јост е исто така на списокот на санкционирани лица привлече посебно внимание, а нејзините исклучително популарни објави и видеа на социјалните мрежи го привлекуваат вниманието особено на младите Европејци.
Иако таа директно не ја оправдува војната во Украина, нејзините објави го фалат животот во Русија, покажувајќи како санкциите не ѝ наштетиле на руската економија и како животот во Русија, особено во Москва, е со еднаков квалитет или дури и подобар отколку во западноевропските земји или во Русија пред агресијата врз Украина.
Во Брисел, подоцна открија дека за своите активности таа била платена од државниот медиум „Раша тудеј“.