Советот на Општина Куманово утре (15 мај, петок) ќе ја одржи десеттата седница, која ќе започне во 10:00 часот во кружната сала на зградата на поранешен Комитет.
На дневниот ред се вкупно 13 точки, меѓу кои годишниот извештај за настани и манифестации на Фондацијата за култура и спорт „Куманово“ за 2025 година, измени и дополнувања на Буџетот на Општина Куманово за 2026 година, како и повеќе програми и планови од областа на комуналната инфраструктура, животната средина и развојот на општината.
Советниците ќе расправаат и за неколку предлог-одлуки поврзани со детални урбанистички планови, како и за предлог-одлука за исплата на еднократна парична помош од општинскиот буџет за 2026 година.
На седницата ќе се разгледува и предлог-програмата за изменување на програмата за субвенционирање на наставни, воннаставни и спортски активности по пливање за учениците од основните и средните училишта во Општина Куманово.
Целосниот дневен ред во продолжение:
1. Годишен Извештај за настани и манифестации на Фондација за култура и спорт „Куманово“ – Куманово за 2025 година;
2. Предлог – Решение за давање мислење на Oдлука за изменување и дополнување на Статутот на ООУ „Јероним Де Рада“ – Куманово;
3. Предлог – Програма за изменување на Програмата за субвенционирање на наставни, воннаставни и спортски активности по пливање во Затворениот базен – Куманово за учениците од основните и средните училишта во Општина Куманово за 2026 година;
4. Предлог – План за одржување на јавните патишта во Општина Куманово за 2026;
5. Предлог – Измена и дополнување на Планот на програми за развој на Општина Куманово за 2026 година;
6. Предлог – Програма за изменување и дополнување на Програмата за уредување на градежно земјиште, изградба и одржување на комунална инфраструктура на град Куманово за 2026 година;
7. Предлог – Програма за изменување и дополнување на Програмата за активности од областа на заштита на животната средина и природата на Општина Куманово за 2026 година;
8. Предлог – Измени и дополнувања на Буџетот на Општина Куманово за 2026 година;
9. Предлог – Одлука за донесување на Измена и дополна на Детален урбанистички план за дел од УЕ „Б. С. Гојчо“, дел од УБ 45, плански опфат помеѓу: ул. „Иго Тричковиќ“, ул. „Егејска Македонија“, пристапна улица, КП 20313, пешачка патека, ул. „Моша Пијаде“, КП 20297, ул. „3-та МУБ“, Општина Куманово ;
10. Предлог – Одлука за донесување на Измена и дополна на Детален урбанистички план за дел од УЕ „Тоде Мендол“, дел од УБ 63, плански опфат помеѓу: ул.„1”, ул.„ЈНА“, ул.„2“, кп16793, ул.„3“ кп16369/2 – Општина Куманово;
11. Предлог – Одлука за утврдување на Нацрт – Детален урбанистички план за дел од УЕ „11-ти Октомври“, дел од УБ 39, плански опфат помеѓу: ул.„Доне Божинов”, ул.„Октомвриска Револуција“ ул.„Братство Единство“, Општина Куманово;
12. Предлог – Одлука за исправка во Одлуката за донесување на Детален урбанистички план за дел од УЕ „1“ и дел од УБ 23-б, плански опфат помеѓу: граница на УЕ, регионален пат Р1204, ул.„3-та МУБ, граница на наменска зона по ГУП – Општина Куманово;
13. Предлог – Одлука за исплата на еднократна парична помош од Буџетот на Општина Куманово за 2026 година.
Никола Ивановски