Британскиот крал Чарлс денес изјави дека Обединетото Кралство се соочува со растечки ризици од се поопасен и нестабилен свет, наведувајќи го конфликтот на Блискиот Исток како најнов пример.
„Се поопасен и нестабилен свет му се заканува на Обединетото Кралство, а конфликтот на Блискиот Исток е најновиот пример“, рече Чарлс за време на говорот на отворањето на британскиот парламент.
Тој нагласи дека секој сегмент од енергетската, одбранбената и економската безбедност на земјата ќе биде ставен на тест.
„Моите министри ќе донесат одлуки што ја штитат енергетската, одбранбената и економската безбедност на Обединетото Кралство“, рече тој.
Најави зајакнување на односите со ЕУ
Кралот, исто така, рече дека британската влада ќе преземе нови чекори за подобрување на односите со Европската Унија.
„Моите министри ќе презентираат закон за искористување на новите трговски можности, вклучително и закон за зајакнување на врските со Европската Унија“, рече тој.
Тој додаде дека владата ќе продолжи да работи на подобрување на односите со европските партнери „како клучен чекор во зајакнувањето на европската безбедност“.
Зборувајќи за Блискиот Исток, Чарлс рече дека владата ќе продолжи да промовира долгорочен мир и решение за две држави меѓу Израел и Палестина.
Тој исто така нагласи дека енергетската безбедност на земјата бара долгорочни инвестиции и реформи, „како што покажаа неодамнешните настани на Блискиот Исток“.