Претседателот на Украина, Володимир Зеленски, изјави вечерва дека нападите врз Иран им даваат можност на Иранците да се ослободат од „терористичкиот режим“.
Во видео-пораката објавена на социјалните мрежи, Зеленски ја пофали решителноста на Соединетите Американски Држави (САД) по почетокот на американските и израелските напади врз Иран, наведувајќи дека „тие напади му даваат можност на иранскиот народ да се ослободи од терористичкиот режим“.
„Важно е САД да бидат одлучни. И секогаш кога Америка е одлучувачка, криминалците во светот се ослабуваат“, рече Зеленски.
Претседателот на Украина додаде дека е правилно да му се даде шанса на иранскиот народ да се ослободи од режимот и да се гарантира „безбедноста на сите народи кои страдале од тероризмот што доаѓа од Иран“.
„Иако Украинците никогаш не му се заканија на Иран, иранскиот режим избра да биде соучесник на (рускиот претседател Владимир) Путин и му снабдуваше беспилотни летала „Шахед“, технологија и друго оружје“, рече украинскиот претседател.
Според него, од 2022 година Русија започнала напади врз Украина со повеќе од 57.000 беспилотни летала Шахед од иранско производство.