„Со најдлабока загриженост ја примив веста за Ендру Маунтбатен-Виндзор и за сомневањата за злоупотреба на јавната функција“, рече британскиот крал Чарлс Трети во изјавата откако поранешниот британски принц Ендрју беше уапсен денеска.
Сега следува, додаде кралот, целосна, правична и правилна постапка, која на соодветен начин и од надлежните органи ќе го истражи ова прашање.
„Во ова, како што веќе реков, тие ја имаат нашата целосна и искрена поддршка и соработка. Дозволете ми да бидам јасен: законот мора да го следи својот тек“, рече кралот, пренесе Би-би-си.
Додека овој процес продолжува, додаде тој, не би било соодветно да коментирам повеќе за ова прашање.
„Во меѓувреме, јас и моето семејство ќе продолжиме да ја извршуваме нашата должност и да ви служиме на сите вас“, објави кралот Чарлс Трети.