Голем топлотен бран ја зафати југоисточна Австралија, поттикнувајќи шумски пожари, принудувајќи стотици жители да ги евакуираат руралните градови и носејќи рекордно високи температури.
Во Мелбурн е забележана највисока температура во последните 17 години, повисока од 45 степени целзиусови, објавува Ројтерс.
Според податоците од Австралиското биро за метеорологија, градовите во северозападниот регион Мали во државата Викторија, исто така, достигнаа максимални вредности од 48,9 степени целзиусови, соборувајќи го државниот рекорд за температура.
Топлотниот бран ја зголеми опасноста од пожар на екстремно ниво во некои делови од земјата.
Крис Хардман, шеф за управување со шумски пожари во Викторија, рече дека во моментов горат шест големи пожари, од кои три се надвор од контрола.
Тој рече дека најголемата загриженост за пожарникарите е брзото ширење на пожарот во регионот Отвејс, кој изгоре околу 10.000 хектари и уништи најмалку три имоти.