Словачкиот премиер Роберт Фицо утре ќе се сретне со американскиот претседател Доналд Трамп во Флорида за време на неговата работна посета на Соединетите Американски Држави, објави денес Службата за медиуми и информации на словачката влада.
Фицо и Трамп ќе се сретнат утре во 15:30 часот по локално време во резиденцијата на Трамп во Мар-а-Лаго, според соопштението, пренесува TASR.
Фицо замина за САД во четврток попладне, а денес околу 15:00 часот по локално време ќе се сретне во Вашингтон со американскиот секретар за енергетика, Кристофер А. Рајт.
Потоа, како што е најавено, ќе присуствува на церемонијата на потпишување на договорот меѓу владите на Словачка и САД за соработка во областа на цивилната нуклеарна енергија.
Со Фицо отпатуваа и словачката министерка за економија Дениса Сакова и министерот за надворешни работи Јурак Бланар.