Во Куманово вчера беше свечено отворен конзулат на Република Казахстан и инаугуриран почесниот конзул Ејуп Абдулахи.
Настанот се одржа во присуство на претставници од високи државни институции, дипломатскиот кор, амбасадори и претставници од бизнис-секторот.
Општина Куманово ја претставуваше делегација предводена од претседателката на Советот, Ивана Ѓорѓиевска.
Таа во своето обраќање ја нагласи важноста на воспоставената соработка меѓу Куманово и казахстанскиот град Караганда, посочувајќи дека партнерството отвора можности за зајакнување на економските врски, особено во областите на технологијата, енергетиката и трговската размена.
Со отворањето на конзулатот, Куманово добива нова дипломатска и економска перспектива, што се очекува да придонесе кон развој на меѓународната соработка и локалниот економски напредок.
Никола Ивановски