Британската влада ja назначи Блејз Метревел за директор на Тајната разузнавачка служба, позната и како МИ6, станувајќи првата жена на чело на шпионската агенција, децении откако Џуди Денч за прв пат ја играше улогата на шеф на МИ6 во филм за Џејмс Бонд.
47-годишната Метревели моментално е шеф на технологијата на МИ6, позната како „Кју“, а се приклучи на Тајната служба во 1999 година и поголемиот дел од својата кариера го помина на оперативни позиции на Блискиот Исток и Европа, соопшти британската влада.
Кодно име „Ц“
Ричард Мур, сегашниот шеф на МИ6, ќе се повлече на есен по петгодишен мандат.
„Гордa сум и почестенa што сум замоленa да ја водам мојата служба“, рече Метревели, која ја презема една од најмоќните позиции во западната разузнавачка служба и ќе биде позната под кодното име „Ц“, пренесува Хина.
Премиерот Кир Стармер рече дека назначувањето на Метревели доаѓа во време кога Велика Британија „се соочува со закани од невидени размери“.
„Знам дека Блез ќе продолжи да го обезбедува одличното лидерство потребно за одбрана на нашата земја“, рече тој.
Така, MI6, основана во 1909 година, им се придружи на другите големи британски шпионски агенции – домашната шпионска служба MI5 и разузнавачката и комуникациска агенција GCHQ – кои веќе имаа жени на чело.
MI6 работи во странство и е одговорна за одбраната на Велика Британија и нејзините интереси, па затоа многу иконски фиктивни шпиони, вклучувајќи го Џорџ Смајли на романописецот Џон ле Каре и Џејмс Бонд на Иан Флеминг, работеле во таа агенција.
Назначувањето на Метревели доаѓа три децении откако актерката Џуди Денч за прв пат ја играше шефицата на MI6 во филмот „Златно око“ за Џејмс Бонд.