Флорида започна кривична истрага против британско-американските инфлуенсери Ендрју и Тристан Тејт, кои пристигнаа минатата недела од Романија, каде што се соочија со обвиненија за силување и трговија со луѓе.
Јавниот обвинител на Флорида, Џејмс Утмајер, рече дека истражителите издале налози за претрес и покани како дел од „сега активна“ истрага, пренесува Би-Би-Си.
„Врз основа на темелна анализа на доказите, му наложив на Државното правобранителство да изврши налози за претрес и да издаде судски покани во сега активната кривична истрага против браќата Тејт“, рече обвинителот.
Адвокатот на браќата Тејт, Џозеф Мекбрајд, издаде соопштение во кое ги критикува коментарите на Утмајер, нарекувајќи ги „пристрасни“.
Браќата Тејт се соочуваат и со тужба во САД од жена која тврди дека ја принудиле на проституција, а откако таа сведочела против нив, браќата Тејт шират лаги за неа.
Тие категорично ги отфрлаат сите обвиненија со кои се соочуваат.
Поранешниот кик-боксер Ендру Тејт има милион следбеници на социјалните мрежи и, заедно со неговиот брат Тристан, се соочува со обвиненија за силување и трговија со луѓе во Велика Британија, обвиненија кои браќата исто така ги негираат.
Браќата Тејт првпат беа уапсени во Романија во декември 2022 година, при што Ендру беше обвинет за силување и трговија со луѓе, а Тристан беше осомничен за трговија со луѓе.
Тие се преселиле во Романија од Велика Британија пред неколку години.
И двајцата ги негираа обвиненијата и поминаа неколку месеци во домашен притвор.
Една година подоцна, во август 2024 година, тие се соочија со нови обвиненија, вклучително и секс со малолетници, што тие исто така ги негираат.
Медиумите наведуваат дека браќата ќе мора да се вратат во Букурешт на крајот на март за да ги исполнат условите поставени од обвинителите.
Полицијата во англиската област Бедфордшир сè уште бара екстрадиција на Ендрју Тејт под одделни обвиненија за силување, трговија со луѓе и затајување данок.
Во Велика Британија, четири жени поднесоа тужба против Ендрју Тејт, обвинувајќи го за силување, што тој исто така го негира.