Норвешката полиција денеска соопшти дека запленила норвешки брод со руски екипаж под сомнение дека е вмешан во оштетување на кабел со оптички влакна во Балтичкото Море.
Според полицијата, заплената била извршена на барање на латвиските власти, пренесува Ројтерс.
„Бродот е осомничен дека е вмешан во сериозно оштетување на кабел со оптички влакна во Балтичкото Море меѓу Латвија и Шведска“, се вели во соопштението на полицијата.
Бродот во норвешка сопственост, кој исто така пловел под знамето на земјата, наречен „Сребрена Данија“, пловел од Санкт Петербург во Балтичкото Море до Мурманск на рускиот Арктик, соопшти полицијата.
Претходно, летонскиот портал ЛСМ, повикувајќи се на сопственикот на кабелот, Летонскиот државен радио и телевизиски центар, објави дека во неделата бил оштетен подморскиот кабел со оптички влакна меѓу Летонија и Шведска, најверојатно поради надворешни влијанија, пренесува РИА Новости.
Летонската морнарица испратила патролен брод на локацијата каде што се посомневало дека кабелот е оштетен и го контактирала НАТО, пренесува Танјуг.