Официјални лица и аналитичари од Појасот Газа ги пофалија значајните напори преземени од државата Катар во партнерство со Арапската Република Египет и Соединетите Американски Држави за постигнување договор за прекин на огнот на палестинските територии.
Во изјавите на Катарската новинска агенција (QNA) се нагласува дека успехот на Катар во постигнувањето договор за прекин на огнот ја одразува неговата „непоколеблива посветеност за поддршка на правата на палестинскиот народ“.
Меѓу другото беше подвлечено дека Катар е меѓу првите земји што му пружи помош на палестинскиот народ, кој се соочува со агресијата врз Газа од 7 октомври 2023 година, со итна финансиска и логистичка помош.
Тие потврдија дека Катар успеал да одигра клучна улога во постигнувањето договор за прекин на огнот, користејќи го своето претходно искуство и позиција на неутрален посредник.
Тие ја истакнаа способноста на Катар да води сложени преговори во многу чувствителни околности, вклучително и неговата исклучителна дипломатска вештина во решавањето на тешките политички прашања.
Генералниот директор на Канцеларијата за медиуми во Појасот Газа, Др. Исмаил ал-Тавабта рече дека државата Катар одигра „централна и клучна улога во овој историски договор“, што ја одразува нејзината цврста посветеност за поддршка и заштита на правата на палестинскиот народ.
Понатаму, Ал-Тавабта верува дека успехот на овој катарски напор е резултат на мудра политика заснована на дијалог и фер и непристрасно посредување, што придонесе за ублажување на страдањата на палестинскиот народ, кое трае повеќе од 15 месеци, како и враќање на мирот во регионот.
Тој повтори дека катарската хуманитарна помош има длабоко позитивно влијание врз виталните сектори во Газа.
Политичкиот аналитичар и автор Висам Афифа оцени дека државата Катар успешно одигра клучна и влијателна улога во постигнувањето договор за прекин на огнот во Газа.
Според него, Катар водел сложени преговори во многу чувствителни услови, со што докажува дека поседува исклучителна дипломатија за придвижување на тешките политички прашања.
Понатаму, Афифа додаде дека успехот на Катар во мобилизирањето на меѓународните напори произлегува од стратегијата заснована на неколку насоки, вклучително и политиката на активна неутралност, која му дава кредибилитет на доверлив посредник способен да соработува со сите страни.
Дополнително, официјална Доха усвои мултилатерална дипломатија, користејќи ги своите дипломатски алатки за собирање меѓународна поддршка преку Обединетите нации (ОН) и други организации, координирајќи ги активностите со регионалните актери.
Др. Махер Шамиех, службеник во палестинското Министерство за здравство во Газа, истакна дека Катар вложил напори да го поддржи палестинскиот народ.
Присуството на Катар, рече тој, се рефлектира во помош и медицинска поддршка за луѓето од Појасот Газа.
Оваа улога беше особено истакната во рехабилитацијата на оштетените здравствени установи, поддршката на медицинските тимови и приемот на стотици ранети од Газа на лекување во Доха.
Тој нагласи дека поддршката на Катар за здравствениот систем во Газа е клучна за да се спречи колапсот на овој витален сектор за време на израелската агресија врз Газа.