Во НУ Центар за култура ,,Трајко Прокопиев” во Куманово во сабота на 21.12.2024 година гостува ексклузивно Театар Хит од Скопје со хит новогодишна претстава за деца ,,Снежана и Дедо Мраз” која во моментот е една од најбараните новогодишни претстави за деца.
Веќе билетите се пуштени во продажба за двете изведби. Првата изведба е во 12 часот, за која нема повеќе билети, додека втората е закажана во 13 часот по барање на публиката.
Децата од Куманово ја имаат честа да уживаат во сабота заедно со јунаците на оваа претстава.
Оваа претстава е комична бајка каде главните ликови се Дедо Мраз и омилениот лик од бајката Снежана. Ликот на Снежана е земен од истоимената бајка Снежана заради оргиналноста. Во претставата покрај Дедо Мраз и Снежана, присутен е ликот на Палавко кој е помошник на Дедо Мраз и Принцот.
Целото дејство се случува во домот на Дедо Мраз.
Низ многу комични моменти, со многу познати новогодишни песни, низ многу интеракција, децата ќе имаат можност да се дружат со јунаците од бајката и воедно до нив ќе биде упатена пораката : ,,Не е важно каков е новогодишниот подарок, важно е дека некој помислил на нас. Најголемиот подараок е радоста, среќата, мирот и другарството.”
Во домот на Дедо Мраз доаѓа Снежана бидејќи се договорила со Дедо Мраз да ги изненади децата за новата година, но Палавко тоа не го прифаќа и создава многу ситуации поради љубомората. Му пушта писмо на Принцот кое е лажно и дека и него го викнал Дедо Мраз. Палавко од кога ќе увиди што направил, почнува да бара прошка бидејќи тоа ќе му бил најголемиот подарок. Децата од публиката заедно со Снежана и принцот успеваат да го убедат Дедо Мраз да му прости. Најдобриот дедо му простува и на крајот заедно сите со децата пејат песна за нова година и ја исполнуваат желбата на дечиња од светот, а нивната желба е да гледаат среќни, насмеани и распеани деца низ целиот свет.
Со тоа се укажува на децата дека најголемата желба е сите да бидеме среќни, весели и здрави.
Во нашата новогодишна претстава ликот на Дедо Мраз е постојано на сцена и е во постојана комуникација со децата. Заедно ги решаваат сите проблеми кој му ги прави Палавко.
Претставата изобилува со оргинална новогодишна сценографија, интеракција, новогодишни песни и многу комични, педагошки и едукативни моменти.
ИГРААТ: Магдалена Ризова – Черних, Сашо Ристовски, Ема Давчева и Бранко Атанасов.
Сценска визуелизација: Диди
Автор и режија: Сашо Ристовски
Интегрално соопштение