Палестинската група Исламски џихад денеска го објави третото видео на заложникот Саша Труфанов, еден од киднапираните за време на нападот на Хамас на израелска територија на 7 октомври минатата година.
Според Тајмс оф Израел, не е јасно кога е снимено видеото, со оглед на тоа што Труфанов вели дека има 28 години, иако два дена претходно наполнил 29 години, неговиот втор роденден во заробеништво.
Ова е трето видео на Труфанов објавено од Исламски џихад.
Палестинските групи и претходно објавуваа заложнички видеа.
Труфанов беше земен како заложник заедно со бабата Ирене Тати, мајката Јелена Труфанов и девојката Сапир Коен од Кибуц Нир Оз за време на нападот на Хамас на 7 октомври.
Труфанова и Тати беа ослободени од Хамас на 29 ноември на барање на рускиот претседател Владимир Путин, додека Коен беше ослободен на 30 ноември како дел од привремениот прекин на огнот меѓу Израел и Хамас.
Минатиот месец Хамас објави дека Труфанов и уште еден заложник со руско државјанство, Максим Херкин, ќе бидат меѓу првите кои ќе бидат ослободени во евентуален договор за заложници.