Во вторникот вечерта, Иран го изврши најопсежниот напад врз Израел, истрелувајќи околу 200 балистички ракети.
Според израелски, американски и јордански извори, најголем дел од ракетите биле пресретнати од израелски одбранбени системи.
Нападот дополнително ги ескалира тензиите на Блискиот Исток и го влоши тековниот конфликт меѓу Израел и Хезболах.
Ракетниот арсенал на Иран е огромен и вклучува балистички ракети со краток и среден дострел, крстаречки ракети со различен дострел, како и ракети способни за вселенски лансирања.
Во 2023 година, генералот на американските воздухопловни сили Кенет Мекензи рече дека Иран поседува повеќе од 3.000 балистички ракети, бројка поддржана од извештајот на порталот Iran Watch како дел од Проектот за контрола на нуклеарното оружје во Висконсин.
Балистичките проектили, кои излегуваат од атмосферата на Земјата пред повторно да влезат нивните боеви глави и целат на земјата, се клучни за воената стратегија на Иран.
Ракетата Шахаб-3 била користена во последниот напад врз Израел, според експертите за оружје кои ги анализирале снимките од социјалните мрежи.
Шахаб-3, кој стапи во употреба во 2003 година, користи течно гориво и може да се пука од мобилни фрлачи и силоси.
Неговата боева глава може да тежи меѓу 760 и 1.200 килограми, а најновите варијанти, ракетите Гадр и Емад, постигнуваат прецизни удари на 300 метри од целта, според извештаите на Проектот за закана за проектили и Иран воч.
Иранските медиуми тврдат дека во нападите била користена и нивната нова ракета Фатах-1.
Техеран ја опиша како „хиперсонична“ ракета способна да лета со брзина од 5 маха (пет пати поголема од брзината на звукот).
Воените аналитичари тврдат дека многу балистички ракети достигнуваат хиперсонична брзина при лет, термин кој обично се однесува на понапредно оружје како што се хиперсонични крстосувачки ракети, кои потешко се пресретнуваат со постоечките системи за противвоздушна одбрана.
Фабијан Хинц од Меѓународниот институт за стратешки студии изјави дека Фатах-1 има ракета со способност за маневрирање, што му овозможува да ја избегне одбраната, но дека всушност не е вистинска хиперсонична ракета, пренесува Си-Ен-Ен.
Талон-А во лет
Експертите се сомневаат дека Иран распоредил ракети Фатах-1. Тоа е една од нивните најнови балистички ракети и имаат многу да изгубат доколку ја употребат, изјави Тревор Бол, поранешен техничар за експлозиви на американската армија.
Наведените типови на ракети се далеку од сето она што Иран го има на располагање, а сликата приложена подолу со табелата „Iran Watch“ покажува колку всушност е нивниот арсенал и какви се можностите на сите тие ракети.
