Рускиот претседател Владимир Путин пристигна во Астана, главниот град на Казахстан, каде што ќе учествува на самитот на Шангајската организација за соработка (ШСО) и ќе одржи серија билатерални состаноци, објавено е на веб-страницата на Кремљ.
Претходно, помошникот на рускиот претседател за меѓународни прашања, Јуриј Ушаков, изјави дека Путин на маргините на самитот на Шангајската организација за соработка во Астана ќе одржи неколку важни билатерални средби, вклучително и со лидерите на Кина и Турција, Си Џинпинг и Реџеп Тајип Ердоган, пренесува РИА Новости.
Самитот на ШКО денеска и утре се одржува во Астана под слоганот „Зајакнување на мултилатералниот дијалог – стремеж кон мир и развој“.
Учесниците на самитот имаат намера да потпишат пакет од 24 заеднички документи, како и да усвојат завршна декларација и изјава за посветеност на принципите на добрососедство и единство, наведува руската агенција.