Гувернерот на руската област Брјанск објави дека украинските сили отвориле оган врз станбени згради во тој регион.
Тоа е регион кој се граничи со северот на Украина, недалеку од градот Чернихив.
„Денеска украинските сили отворија оган врз селото Климово. Две станбени згради се оштетени од гранати, има жртви меѓу жителите“, напиша гувернерот Александар Богомаз на својот канал „Телеграм“.
Претходно руските власти објавија дека е гранатирана станица на руската гранична полиција. Во нападот биле оштетени неколку возила, тврдат Русите.
Руски извори споделуваат снимки од наводниот напад
Руски извори споделуваат на социјалните мрежи видео од наводниот напад на селото Климово во руската област Брјанск.
Сѐ уште нема независна потврда за нападот, ниту за автентичноста на снимката.
Истите извори тврдат дека во гранатирањето на Климов се повредени седум лица.